انصار: ( د وری30مه)، د اسراییل صدراعظم بینامین نتنیاهو وایي، دا یواځې اسراییل دی چې پر ایران د برید د څرنګوالي په اړه به پرېکړه کوي.

ښاغلي نتنیاهو دغه څرګندونې د برېتانیا او جرمني د بهرنیو چارو له وزیرانو سره ترلیدو وروسته د کابینې په غونډه کې وکړې او ویې ویل، غواړم دا واضح کړم چې موږ به په خپله پرېکړه کوو او زیاته یې کړه، د اسراییل دولت به هر هغه څه ترسره کړي چې د ځان د دفاع لپاره ورته اړتیا ده.

د فرانسپرس خبري اژانس د راپور له مخې، نوموړي په دې څرګندونو سره د خپلو نژدې متحدینو هغه غوښتنې چې د ایران په وړاندې دې له زغمه کار واخلي له پامه وغورځولې.

نتنیاهو د کابینې غونډې ته وویل چې د جرمني او فرانسې د بهرنیو چارو له وزیرانو سره یې کتلي او د دواړو هېوادونو د ملاتړ په خاطر یې ور څخه مننه کړې.

خو هغه وویل چې اسراییل به د ټولو لورو له وړاندیزونو او سپارښتونو سره سره په خپله پرېکړه کوي چې د ایران وروستي پراخ برید ته څه ډول ځواب ووایي.

د متحدو ایالتونو، برېتانیا او فرانسې په ګډون د اسراییل یو شمېر نژدې متحدینو د ایران د بالستیک توغندیو او ډرون الوتکو د بریدونو په شنډولو کې له اسراییل سره مرسته کړې ده.

د فرانسپرس په وینا، د اسراییل له لوري توندو څرګندونوته پام، لیرې بریښي چې دا هېواد دې د خپل نژدې متحد، واشنګټن له ملاتړ پرته مستقیم پر ایران برید وکړي، خو کولای شي د نورو پټو بڼو لکه د ایران د لوړپوړو پوځي قومندانانو، یا په نورو هېوادونو کې د ایران د ملاتړو ډلو د په نښه کولو اویا هم د سایبري حملې په څېر اقدامات ترسره کړي.

په عین حال کې د ایران ولسمشر ابرهیم رییسي یوځل بیا اسراییل ته خبرداری ورکړ چې یوه ډېر کوچینی برید ته به یې هم په بېړه او سخت ځواب ووایي.

ښاغلي رییسي د پوځ د ملي ورځې په مناسبت د رسم ګذشت ځانګړو مراسمو ته چې له دلایلو پرته یې ځای بدل شوی و، په وینا کې د اپریل په ۱۴ سهار وختي پراسراییل د توغندیو او ډرون الوتکو برید یو محدود اقدام وباله او ویې ویل چې د ایران پر خاوره د اسراییل برید به له پراخ او سخت ځواب سره مخ شي.

هغه په دې اړه نورجزییات ورنکړل چې دا به څه ډول غبرګون وي، خو زیاته یې کړه چې که موږ درانه عملیات کړي وای، نو د اسراییل لپاره به هیڅ هم نه وو پاتې، خو پرېکړه شوې وه چې دا به یو محدود اقدام وي.

دا چې اسراییل به پر ایران غچ اخیستونکی برید ترسره کړي او د تهران غبرګون به څه وي، نه ده روښانه خو د هریوه لوري غلطه محاسبه د سیمه ییزې جګړې خطر له ځان سره لرلی شي.

URL تعقيب: https://www.ansarpress.com/pashto/31153

*	الـاسمـ و اللقب
*	رأيك
أدخل الـأرقامـ الظاهرة في المربع أدناه.
*

	روسیې د احتمالي حملې لپاره د سویډن او فنلنډ تیاري
	په برلین کې افغان سفیر او په بڼ کې جنرال کونسل له دندو لاس واخیست
	سعودي عربستان کی د بهرنیو اتباعو د اعدامونه ریکارډ
	د افغانستان په شاوخوا کې امنیتي کمربند ته اړتیا نه شته
	خلیلزاد د دوحې تړون له طالبانو سره د امریکا د نوي حکومت اساس کېدای شي
	د پاکستان استخباراتي کامران خان او د هغه پلار د ترهګرو په لیست کې شامل کړل
	ايران د ډونالډټرمپ د وژنې په دسيسه کې لاس نه در لود
	جوبايډن او ډونالډټرمپ راتلونکې چهارشنبه سپينه ماڼۍ کې یوبل سره ګوری
	هند کابل ته د خپل پلاوي د سفر هدفونه اعلان کړل
	د طالبانو مشر له دفاع، کورنیو وزارتونو او استخباراتو د وسلو کنټرول واخیست
	د هند ځانګړي استازي په لومړي ځل د طالبانو له دفاع وزیر سره ولیدل
	د طالبانو لاس‌وهنې د بشري مرستو د رسولو چاره له ننګونو سره مخامخ کړې
	چین خپله پټه جنګي الوتکه نندارې ته وړاندې کوي
	د پاکستان حکومت د اسلام اباد په مظاهرو کې د افغانانو د ګډون ثبوت وړاندې نه کړل شو
	د ټرمپ او هاریس ترمنځ نږدې او سخته سیالي
	د یو شمېر افغان سیاستوالو غونډه د اعلامیې له خپریدو پرته پای ته ورسیده
	په اسلامي هېوادونو کې د ولسمشر پوتین محبوبیت مخ پر زیاتېدلو دی
	د ایران په زندانونو کې د افغانانو په ګډون ۸ زره بهرنیان بندیان دي
	د تېر حکومت چارواکي نه په حکومت پوهېدل، نه په جګړه
	د م.م. د دفترونو لګښتونه او د کارکوونکو معاشونه ډېر لوړ دي
	په افغانستان کی جبر او د بشري حقونو سرغړونې زیاتې شوي
	د روسیې کورسک ته د شمالي کوریا ځواکونه انتقال شوي
	په غزه کې د دوه ورځني اوربند وړانديز
	هیله‌من یم چې دا به د روان کړکېچ پای وي
	په پښتونخوا کې پر یوه پوسته په برید کې ۸ ملېشه وژل شوي